Participación do proxecto LIFE EcoTimberCell na Webinar CLIMATE NEUTRAL FOOD AND WOOD
O próximo mes de outubro o proxecto LIFE EcoTimberCell ten a honra de participar como relatora na Webinar “Climate neutral food and wood”, organizada pola Dirección Generall de Acción Climática de la Comisión Europea (DG CLIMA) e a Agencia Ejecutiva para las pequeñas y medianas Empresas ( EASME), que reunirá para a ocasión a exitosos proxectos LIFE e Horizonte 2020 nas áreas da agricultura, alimentación, silvicultura e bioeconomía. Os catro sectores reciben apoio financeiro para a investigación de ambos os programas europeos e contribúen á loita contra o cambio climático e garanten o bo funcionamento das cadeas de valor de alimentación e madeira.
Con vistas ás iniciativas da Unión Europea no marco do Pacto Verde Europeo, exponse, entre os días 6 e 9 de outubro, este encontro de importantes proxectos de investigación que permitirá, ademais de compartir a proposta, evolución e resultados dos mesmos, o debate sobre a temática de cada unha das xornadas: mitigación e adaptación ao cambio climático na agricultura e na silvicultura, sistemas alimentarios sostibles e potencial de mitigación dos produtos de madeira.
Durante a última xornada do evento, xornada dedicada ao sector da madeira, tomará voz o proxecto LIFE EcoTimberCell liderado pola Plataforma de Enxeñería da Madeira Estrutural da Universidade de Santiago de Compostela ( PEMADE) e que se inclúe dentro do Subprograma Acción polo Clima Mitigación do Cambio Climático co obxectivo da redución de emisións de gases de efecto invernadoiro a través de solucións innovadoras de sistemas construtivos de madeira.
Na seguinte ligazón é posible rexistrarse para un ou varios seminarios:
https://ec.europa.eu/eusurvey/runner/Conference-Climate_Neutral_Food_and_Wood
Pode consultar o programa na seguinte ligazón: