Ficha técnica do sistema ETC Box, incluída na publicación da Materioteca de Galicia
ETC Box é un sistema estrutural celular ecolóxico para un modelo de construción para a mitigación do cambio climático e a posta en valor da xestión forestal sostible e do emprego de madeira local certificada.
Constitúe un elemento continuo estrutural alixeirado de madeira para forxados, cubertas e muros de altas prestacións, creándose envolventes dos edificios altamente eficientes que permiten rebaixar a súa demanda enerxética e, por tanto, o consumo durante toda a súa vida útil, contribuíndose, ademais, á xeración de menos residuos e promovéndose unha economía circular.
Trátase de produtos optimizados que evitan ou reducen substancias nocivas e almacenan carbono a longo prazo e a súa fabricación implica unha redución do custo enerxético.
A publicación completa da Materioteca de Galicia sobre o I Certame de Materiais pode consultarse na seguinte ligazón: https://www.materioteca.gal/wp-content/uploads/2022/01/Publicacion-Certame-Materiais.pdf