Axúdanos a valorar os múltiples beneficios dos sistemas forestais. Participa na nosa enquisa
En LIFE EcoTimberCell, unha das nosas finalidades é reducir o consumo enerxético na construción a través do desenvolvemento de produtos construtivos de madeira local procedentes de xestión forestal sostible. Desta forma, impúlsase un cambio no modelo construtivo convencional de alta pegada de CO2, á vez que se fomenta un mellor uso da terra.
Desde LIFE EcoTimberCell traballamos en promover os valiosos Servizos Ecosistémicos que nos achegan os bosques, a través da promoción da xestión forestal sostible, garantida polos dous principais selos de certificación forestal empregados en España: Forest Stewardship Council (FSC) e Programme for the endorsement of forest certification schemes (PEFC).
Os Servizos Ecosistémicos pódense definir como todos aqueles beneficios que a sociedade obtén dos ecosistemas; un concepto cada vez máis aplicado á conservación do medio ambiente, o benestar humano e a implicación das intervencións humanas no medio natural. Algúns dos ecoservicios máis relevantes proporcionados polos bosques son a súa función como reguladores do clima, pragas e enfermidades, sumidoiro de carbono, ciclo de nutrientes, e a provisión de madeira e conservación da biodiversidade, ademais de beneficios recreativos, culturais e espirituais.
Queremos poñer en valor os beneficios que nos proporcionan os sistemas forestais produtivos. Por iso, estamos a avaliar os Servizos Ecosistémicos que nos achegan. Con este obxectivo, deseñamos unha enquisa. Coñecer a percepción que teñen sobre estes servizos os actores implicados é clave para enriquecer o resultado final desta avaliación.
Se es propietario forestal, traballas na administración pública, sector forestal, estudos de arquitectura, centros tecnolóxicos de investigación, sector da construción ou axencias inmobiliarias, ou estás a pensar en adquirir unha vivenda sostible, e queres colaborar na mellora dos resultados obtidos preme no seguinte vínculo (https://forms.gle/U6YvuJuvS4K5ZYEu5).
O equipo LIFE EcoTimberCell agradéceche enormemente a túa colaboración, a túa visión é moi importante para nós e cumprimentar esta enquisa só che ocupará uns minutos.
Os resultados obtidos integraranse na Avaliación dos Servizos Ecosistémicos, que publicaremos como parte das conclusións do proxecto na web LIFE EcoTimberCell.