LIFE Repolyuse e sinerxias con LIFE EcoTimberCell
Hoxe presentámosvos o proxecto LIFE Repolyuse- REcovery of POLYurethane for reUSE in eco- efficient materials, un proxecto de mitigación de cambio climático como LIFE EcoTimberCell, enfocado en resolver o reto ambiental de escaseza de recursos e manexo de residuos co fin de mitigar os efectos do cambio climático.
LIFE Repolyuse aborda a problemática da xestión do residuo plástico de poliuretano a través do emprego de técnicas novas de redución e reutilización, integrándoos en novos materiais de construción e prolongando a súa vida útil.
O pasado 17 de xullo reunímonos con este proxecto para coñecer mellor o que cada un está a avanzar en favor da acción climática en Europa con cadanseu proxecto, e para buscar puntos de unión e sinerxias que se poidan xerar entre ambos, dados os puntos de encontro entre os dous proxectos LIFE.
A reunión foi moi produtiva para establecer futuras liñas de colaboración entre proxectos, ademais de achegarnos máis visibilidade noutras contornas.
Recomendámosvos visitar o seu proxecto e seguilo nas súas redes sociais polo innovador do seu enfoque e o interese que presenta, especialmente nun tema tan relevante como a reciclaxe de plásticos e a súa reutilización.
